DPT raporton: Mbi 200 mijë raste te asistencës ndaj tatimpaguesve, janë kryer në periudhën, Janar-Tetor 2019
Shërbimi i Tatimpaguesit në Administratën Tatimore ka ofruar asistencë ballë për ballë për tatimpaguesit në më shumë se 183 mijë raste përgjatë muajve janar- tetor të këtij viti, ndërsa janë zhvilluar 145 takime informuese me qëllim parandalimin e mashtrimit dhe nxitjen e korrektimit vullnetar.
Janë kryer mbi 53 mijë vizita këshilluese dhe 68 seminare edukues për tatimpaguesit, në lidhje me procedurat tatimore dhe deklarimin korrekt, dhe rreth 100 mijë tatimpagues janë asistuar nga Qendra e Thirrjeve, në lidhje me afatet dhe procedurat tatimore, me qëllim shmangien e penaliteteve për ta dhe vetëdeklarimin e saktë.
Vetëm gjatë muajit Tetor Qendra e Thirrjeve ka pritur 1227 telefonata nga ana e tatimpaguesve të interesuar, një numër 28% më i lartë se e njëjta periudhë e vitit 2017 dhe 1.9 herë më i lartë se muaji Tetor 2018.
Drejtoria e Përgjithshme e Tatimeve nxit tatimpaguesit që të përdorin shërbimet e asistencës pa pagesë, që ofrojnë Zyrat e Shërbimit të Tatimpaguesve në të gjithë vendin si edhe të Qendrës së Thirrjeve, për të marrë në kohë reale të gjithë informacionin e nevojshëm.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.