Drejt Dubait me 2 milion paund cash në pesë valixhe – E reja britanike ndalohet nga Forcat Kufitare dhe procedohet penalisht

Një grua britanike, është ndaluar në aeroportin e Heathrow duke u përpjekur të fluturojë për në Dubai me rreth 2 milion paund cash të vendosura brenda pesë valixheve.

Tara Hanlon, 30 vjeç, nga Leeds, u ndalua nga Forcat Kufitare në Terminalin 2 të Heathrow pasi oficerët e Forcës Kufitare kontrolluan bagazhet e saj dhe gjetën 1.9 milion paund, zbulimi më i madh i parave i parë deri më tani në vitin 2020.

Hanlon u arrestua së bashku me një grua tjetër, 28 vjeç, nga Doncaster, dhe një hetim u nis nga Agjencia Kombëtare e Krimit (NCA). Ajo u akuzua për pastrim parash dhe u paraqit para Gjykatës së Magjistraturës në Uxbridge. Gruaja tjetër është liruar por mbetet nën hetim.

Chris Philp, Ministri i Pajtueshmërisë së Imigracionit dhe Gjykatave, tha: ‘Kjo është kapja më e madhe individuale e parave në kufi deri më tani në vitin 2020 dhe unë jam i kënaqur me përpjekjet e oficerëve të Forcës Kufitare.

‘Parandalimi i eksportit të parave të padeklaruara nga Mbretëria e Bashkuar është një hap jetik në goditjen e bandave të organizuara kriminale.

Hanlon, e cila më parë jetonte në Donegal, u caktua në paraburgim përpara paraqitjes së saj në Isleworth Crown Court më 5 nëntor. (Dailymail)

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.