Drejt Kanadasë me dokumenta false – Policia Kufitare e Rinasit arreston dy shtetas turq
Policia e Shtetit ka arrestuar në Rinas dy shtetas turq për falsifikim dokumentash. Shtetasi me iniciale H.C, 41 vjeç dhe shtetasi me iniciale S.S, 39 vjeç do të udhëtonin drejt Kanadasë kur kontrollorët e Policisë Kufitare, pas ekzaminimit, kanë identifikuar vizat false.
Vetëm në gjashtë mujorin e parë të 2019, në Aeroportin e Rinasit janë proceduar mesatarisht rreth 80 persona në muaj për shkelje të ligjit.
Në janar – qershor të këtij viti, Policia Kufitare e Rinasit ka arrestuar në total 457 shtetas shqiptarë dhe të huaj për vepra të ndryshme penale, si falsifikimi i dokumentave, kontrabanda, mosdeklarim të sendeve me vlerë dhe të hollave, apo për kalim të paligjshëm të kufirit.
Jenida Vladi/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.