Drejt nënshkrimit marrëveshja e “biznesit të ëmbël” Shqipëri-Kinë! Por sa mjaltë prodhojnë kosheret shqiptare në vit? Shifrat
Javën që vjen, Shqipëria do të nënshkruajë marrëveshjen për eksportimin e mjaltit shqiptar në Kinë. Kjo është bërë e ditur nga ministri i Bujqësisë Bledi Çuçi.
Për më shumë lexo:
Mjalti shqiptar do të shitet në Kinë – Çuçi: Javën tjetër nënshkruhet marrëveshja
Por sa mjaltë prodhohet në Shqipëri?
Referuar të dhënave të INSTAT, në Shqipëri prodhimi i mjaltit ka ruajtur për një kohë të gjatë shifra standarde. Sipas Statistikave të INSTAT mbi prodhimet blegtorale në shtatëvjeçarin e fundit, nga viti 2012 deri në vitin 2015, Shqipëria ka prodhuar nga 3 mijë ton mjaltë për çdo vit.
Në vitin 2016, prodhimi ka pasur një ‘kthesë’ për sa i përket këtij sektori dhe prodhimtaria e mjaltit është rritur me 1 mijë ton në vit, duke qëndruar po njësoj edhe në vitet e ardhshme, deri në vitin 2019.
Përgjatë këtij 3 vjeçari, INSTAT tregon se vendi ynë ka prodhuar 4 mijë ton mjaltë për çdo vit.
Duke u nisur nga INSTAT, edhe pse prodhimtaria e mjaltit ka ndjerë rritje, numri i koshereve, në fakt, është ulur.
Në vitin 2018, numri i koshereve në Shqipëri ka qenë 285 mijë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.