Drejtori ekzekutiv i “Boeing” e pranon se janë bërë ‘gabime’ në ndërtimin e aeroplanëve që shkaktuan 346 të vdekur
Ligjvënësit amerikanë kanë akuzuar kompaninë “Boeing” se ka qenë e angazhuar në një “model të fshehjes së qëllimshme”, teksa drejtori i saj ka kërkuar sërish aprovimin për modelin e saj 737 Max 8 që të fluturojë
Kjo akuzë e rëndë erdhi teksa drejtori ekzekutiv i ‘Boeing’, Dennis Muilenbug është marrë në pyetje nga Senati amerikan i Tregtisë.
Senatorët kanë pasur dyshime të qarta se ‘Boeing’ vendos përfitimet mbi sigurinë teksa po nxiton të marrë sërish licencën.
Dy përplasje të avionëve Boeing 737 Max 8 vranë një numër total njerëzish prej 346 vetash. Zoti Muilenburg pranoi se firma ka bërë ‘gabimet’ e saj.
“Ne kemi mësuar prej të dyja aksidenteve dhe kemi identifikuar se duhen bërë ndryshime të reja” – u shpreh ai.
Në tetorin e vitit të kaluar, një Boeing 737 Max e operuar nga ‘Lion Air’ u përplas, duke shkaktuar 189 viktima.
5 muaj më vonë, një linjë ajrore Etiopiane gjithashtu u përplas duke vrarë 157 njerëz, pas të cilës e gjithë flota e kompanisë u vendos për të mos qarkulluar më në ajër.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.