Drejtori për Falimentin/ Gjonaj në takimin me Bankën Botërore: Brenda 2019 rezultatet e para

Ministria e Drejtësisë njofton se është drejt përfundimit të akteve nënligjore dhe ngritjes së Drejtorisë së Falimentit në Ministrinë e Drejtësisë.  Pritshmëritë janë që procesi të përfundojë brenda vitit 2019. Kjo u bë e ditur nga Ministrja e Drejtësisë Etilda Gjonaj, në takimin që zhvilloi me përfaqësuesen e Bankës Botërore në Tiranë  Maryam Salim.

“Kënaqësi të mikprisja përfaqësuesen e Bankës Botërore znj. Maryam Salim dhe ekipin e saj plot potencial, për të kristalizuar punën e nisur mbi plotësimin e kuadrit ligjor të falimentit.

Bashkërisht, dakordësuam drejtimet kryesore bashkëpunuese për përfundimin e akteve nënligjore, funksionimin e drejtorisë së Falimentit në Ministrinë e Drejtësisë, ngritjen e kapaciteteve të stafit të drejtorisë si edhe sensibilizimin e aktorëve të kësaj fushe. Brenda vitit 2019, rezultatet e para të mirëfunksionimit do të japin fryte konkrete” shkruan në një postim në rrjetet sociale ministrja e Drejtësisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.