Drejtoria e Përgjithshme e Doganave kërkon ambient me qera për zyrat e reja në Lezhë
Drejtoria e Përgjithshme e Doganave ka hapur një “konkurs” lidhur me marrjen e një godine/objekt me qera për ushtrimin e veprimtarisë doganore të Degës së Lezhës. Për të gjithë ata të cilët do të shfaqin ofertat e tyre, përfaqësuesit e doganave kanë vënë disa kritete ndër të cilat:
- Objekti ndërtimor duhet të jetë rreth 330 metër katror
- Zyrat të jenë pranë Portit të Shëngjinit dhe të jenë lehtësisht të identifikueshme
- Objekti të ketë ambiente të përshtatshme për zyra, parkim automjetesh dhe agjensi doganore
- Hapësira të jetë e konsiderueshme për mbarëvajtjen e punës
- Të jetë ambient i përshtatshëm për ruajtjen e sigurisë së ambienteve
- Të ketë energji të vazhdueshme elektrike
- Të ketë hipotekë dhe të jetë i liçensuar
- Ambientin kërkohet të jetë i gatshëm për të kryer funksionin e zyrave, pasi Drejtoria e Doganave Lezhë, nuk ka fonde të mjaftueshme për të kryer restaurime
- Vlera fillestare për konkurrim është 83.160 lekë, referuar kjo nga VKM-ja 469 datë 03.06.2015
Ofertat që do të paraqesin konkurrentët të cilët do të jenë pjesëmarrës në konkurrim përbëhen nga dokumentacioni I mëposhtëm:
- Kërkesa e subjektit për pjesëmarrje në konkurim
- Oferta për vlerën e detyrimit mujor të qerasë
- Formulari i sigurimit të ofertës në vlerën 2% të VFQ; sigurimi i ofertës vlen vetëm për 100 ditë nga afati përfundimtar i dorëzimit të ofertave
- Vërtetim që konfirmon shlyerjen e të gjitha detyrimeve ndaj shtetit
- NIPT, çertifikatë regjistrimi dhe çertifikatë historike e regjistrimit të subjektit në QKR
- Vërtetim nga institucionet përkatëse se ky objekt nuk është në ndjekje penale dhe se nuk ka problem me gjykatat
Konkursi do të mbahet tek Drejtoria e Përgjithshme e Doganave, zyra e Drejtorisë së Burimeve Njerëzore; rruga e Durrësit, Laprakë, Tiranë. Ofertat të dorëzohen me postë ose dorazi në vendin e paracaktuar për zhvillimin e konkurrimit. Dorëzimi i dokumentacionit bëhet deri në datën 25 prill 2019.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.