Drejtoria e Përgjithshme e Doganave takim me grupet e interesit privat – Fokusi te procedurat e reja të transitit
Drejtoria e Përgjithshme e Doganave zhvilloi sot një takim informues në kuadër të Projektit të Binjakëzimit “Modernizimi i Administratës Doganore Shqiptare”. Ky i fundit drejtohet nga Administrata Doganore Italiane dhe Franceze dhe financohet nga Bashkimi Europian, Programi IPA.
Synimi kryesor i takimit i cili u zhvillua në ambientet e DPD ishte informimi i operatorëve ekonomikë lidhur me rëndësinë e Sistemit të Ri të Kompjuterizuar të Transitit (NCTS – Neë Computerised Transit System).
Sistemi në fjalë duhet të zbatohen nga Administrata Doganore Shqiptare në dobi të operatorëve ekonomikë shqiptarë duke mundësuar zbatimin e procedurave të përbashkëta të transitit me vendet e BE-së.
E pranishme në takim ishte edhe Drejtoresha e Përgjithshme Belina Ikonomi Mirela Meko si dhe Zëvendës Drejtoreshë e Përgjithshme e Administratës Doganore Shqiptare, e cila vuri theksin te rëndësia e bashkëpunimit midis doganës dhe operatorëve ekonomikë në mënyrë që sistemi të operojë në mënyrën e duhur.
Ekspertët e binjakëzimit prezantuan zhvillimin e NCTS-së, duke u përqendruar kryesisht te shkëmbimi i mesazheve elektronike midis zyrave doganore dhe operatorëve ekonomikë.
Të pranishëm në takim ishin edhe përfaqësues të të gjitha grupeve të interesit privat si: operatorë të biznesit, organizatat e transportit dhe agjencitë doganore. Nisja e këtij sistemi është parashikuar të bëhet në vitin 2020.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.