Drejtoria Tatimeve njofton të gjitha bizneset: “Ndiqni këto rregulla për qarkullimin e punonjësve”
Drejtoria e Përgjtihshme e Tatimeve ka bërë një njoftim shumë të rëndësishëm sa i përket lëvizjes së punonjësve të çdo biznesi.
Me masat e miratuara nga qeveria, në datat 13-15 mars nuk lejohet qarkullimi i automjeteve private përveç atyre të disa kategorive të veçanta, si njerëzit që kanë nevoje për terapi mjekësore, fluturime për në Rinas ose bizneseve që merren me aktivitete mjaft të rëndësishme dhe e kanë të pamundur mbylljen si ushqimoret dhe farmaceutika.
Për këto kategori të veçanta tatimet bëjnë thirrje që çdo pronar biznesi duhet të dorëzojë formularin e punonjësve që do të qarkullojnë pranë Policisë së Shtetit:
Njoftimi i plotë
Të gjithë bizneset që e kanë të domosdoshëm qarkullimin e punonjësve për në punë, DUHET TË AKREDITOJNË listën e këtyre të fundit pranë Drejtorisë së Përgjithshme të Policisë së Shtetit në adresën e email-it: [email protected], duke i paraqitur punonjësve të Policisë një kopje të këtij email-i.
Përmbajtja e email-it duhet të jetë si më poshtë.
Emri dhe mbiemri i punonjësit;
Vendi i punës ku do shkoj;
Orari i lëvizjes;
Targa e automjetit me të cilin do qarkulloj punonjësi;
Nuk lejohet marrja në automjet e personave të familjes apo e personave të tjerë që s’kanë lidhje me detyrën.
KUJDES!! Kufizoni qarkullimin vetëm për punonjësit të cilët e kanë të domosdoshme lëvizjen me mjet ose kanë pamundësi të lëvizin në këmbë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.