Drejtuesi i Samsung në gjykatë – Pretendimet e reja mund ti heqin sërish lirinë

Udhëheqësi i Samsung Group, Jay Y. Lee, është paraqitur në një gjykatë të Koresë së Jugut, duke pritur një vendim nëse pretendimet e reja përfshirë mashtrimin e kontabilitetit dhe manipulimin e aksioneve do ta dërgojnë atë përsëri në burg pas më shumë se dy vitesh liri.

Prokurorët javën e kaluar i kërkuan gjykatës të lëshojë një urdhër arresti kundër Lee, duke nisur një hetim të vitit 2015 ku dy bashkëpunëtorë të Samsung, thanë se ndihmuan në lehtësimin e planit të Lee për të marrë kontrollin më të madh të grupit.

Rreziku i më shumë kohe në burg për Lee i cili ka udhëhequr Samsung që nga ataku në zemër i babait të tij në vitin 2014, po i shkakton atij probleme të vazhdueshme. Të ardhurat vjetore të Samsung Electronics Co, janë ekuivalente me 12% të GDP-së së Koresë së Jugut.

Pas seancës dëgjimore, ai pritet të shkojë në një qendër paraburgimi për të pritur vendimin nëse ai do të arrestohet.

Gjykata më pas mund të urdhërojë që Lee të ndalohet për 20 ditë ndërsa prokurorët të vazhdojnë hetimet. Pas kësaj akuzat duhet të paraqiten dhe ai të gjykohet. Gjatë një gjyqi, Lee më pas mund të ndalohet deri në gjashtë muaj.

Investitorët, megjithatë, nuk presin ndërprerje në funksionimin e përditshëm të Samsung i cili ka një staf të menaxherëve profesionistë, duke përmendur se grupi ka përballuar pa të më parë.

Lee u burgos për rreth një vit deri në shkurt të vitit 2018 për rolin e tij në një skandal ryshfeti.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.