“Dritë-hijet” e Presidentit të Ukrainës – Gruaja e tij ka blerë apartament luksoz në ujdi me elitën e pasur
Gruaja e presidentit të zgjedhur në Ukrainë, Volodymyr Zelenskiy, bleu një apartament luksoz për më pak se gjysmën e vlerës së tregut, nga biznesmeni Oleksandr Buryak. Zelenskiy, një komedian pa eksperiencë politike, fitoi zgjedhjet e datës 21 Prill, ku bëri fushatë si dikush që nuk do të përfshihet me elitën e pasur që drejton bizneset dhe politikat e Ukrainës.
Megjithatë, marrëveshja mbi apartamentin, në kompleksin “Emperor” , tregon se familja e Zelenskiy ka përfituar nga një transaksion me një anëtar të kësaj elite të pasur. Zelenskiy, gruaja e tij dhe biznesmeni Buryak, kanë refuzuar të komentojnë mbi këtë, ndërsa u kontaktuan nga Reuters.
Olena Zelenska, bleu apartamentin nën çati me 3 dhoma në gadishullin e Krimesë për 163,893 dollarë në Prill të vitit 2013, sipas deklaratës së të ardhurave dhe aktiveve të dhënë këtë vit nga burri i saj. Olena pagoi 1,263 dollarë për metër katror, 1 vit përpara se Rusia të aneksonte Krimenë. Sipas një listimi të vitit 2012 të publikuar nga agjencitë e pronave të paluajtshme në Ukrainë (domik.ua), çmimi për apartamentin në këtë kompleks varionte nga 3,500 -4000 dollarë për metër katror.
Buryak është një ish anëtar i parlamentit të Ukrainës i cili, së bashku me vëllain e tij Sergei, kanë qenë aksionerë kontrollues në huadhënësin Brokbiznesbank deri në vitin 2013, ku shitën shumicën e aksioneve, sipas të dhënave të komisionit të bursave dhe letrave me vlerë të Ukrainës.
Ish-ekzekutivët e bankës janë nën hetim për përvetësimin e parasë që kur u themelua institucioni. Kundërshtarët e Zelenskiy e akuzojnë atë se është një gur shahu i Ihor Kolomoisky, një nga personat më të pasur të Ukrainës, kompania e të cilit ka bashkëpunuar me biznesin e televizionit të komedianit. Kolomisky tha për Reuters se beson që Buryak ka shitur aparamentin lirë pasi bankës së tij i duhej likuiditet.
Banka Qendrore e Ukrainës e shpalli huadhënësin jolikuid në 2014-ën, 10 muaj pasi shitjes së aparamentit. Buryuak ka kontribuar për fushatën e Zelenskiy këtë vit, sipas të dhënave të komisionit zgjedhor .
Klevis Llaha / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.