DRT Korçë takim me tatimpagues, ekonomistë dhe kontabilistë – Në fokus problematikat mbi zbatimin e aksionit antiinformalitet
Drejtoria Rajonale Korçë zhvilloi sot një takim me tatimpagues, kontabilistë dhe ekonomistë të qytetit të Pogradecit ne kuadër të aksionit antiinformalitet.
Gjatë takimit pjesëmarrësit paraqitën problemet e tyre lidhur me praktikat e zbatimit të aksionit të ndërmarrë kundër informalitetit. Po ashtu, ata diskutuan edhe për 9 shërbimet e reja të Drejtorisë së Përgjithshme të Tatimeve në platformën e-albania dhe për paqartësitë e tyre.
Përfaqësuesit e administratës tatimore ftuan subjektet të ushtrojnë të drejtën e përfitimit nga Ligji i Faljes deri më datë 31 Dhjetor 2017, duke shlyer detyrimet tatimore principale për periudhën 2011-2014.
Administrata tatimore mund të fshijë gjobat dhe kamatëvonesat vetëm pas pagesës së këtyre detyrimeve.
Në fund, pjesëmarrësit ranë dakord për takime të mëtejshme të orientuara drejt zgjedhjeve efektive të problematikave të biznesit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.