DRT në Durrës dhe Kukës vijojnë takimet– Përfaqësuesit e biznesit të Krujës, kërkesë për lehtësira fiskale për artizanët

Drejtoria Rajonale Tatimore Durrës zhvilloi një takim në Krujë me përfaqësuesit bë biznesit. Zbatimi i aksionit anti informalitet, ligji i faljeve dhe korrektësia e mbajtjes së dokumentacionit tatimor ishin edhe pikat kyçe të diskutimit.

Përveç tyre, u diskutuan edhe problematikat shqetësuese për bizneset. Duke qenë se artizanët janë një kategori shumë e përhapur në qytetin e Krujës, përfaqësuesit e bizneseve kërkuan lehtësira fiskale për këtë kategori.

Edhe Drejtoria Rajonale Tatimore Kukës ka vijuar takimet me përfaqësues të biznesit. Këta të fundit ngritën edhe shqetësimin për subjektet të cilët ushtrojnë aktivitet të paregjistruar.

Sipas tyre, kjo dëmton konkurrencën e ndershme si dhe ekzistencës së ekonomistëve të paregjistruar që mbajnë llogaritë e kontabilitetit të subjekteve.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.