Dubai ‘rikrijon’ Botën dhe Europën – Megaprojekti i guximshëm është afër përfundimit (FOTOT)
Gati dy dekada në proces, Zemra e Europës formon vetëm një pjesë të Botës – një koleksion i gjerë ishujsh të bërë nga njeriu afërsisht në formën e një atlasi – por kur të përfundojë ajo do të jetë pjesa qendrore kryesore.
Në mes të një pandemie, ajo ende mund të provojë të jetë një vepër gjeniale në përpjekjet e saj për të rikrijuar kontinentin e Europës për pushuesit e pasur që nuk dëshirojnë të bëjnë udhëtime jashtë vendit.
Mes një rënie globale të udhëtimit të shkaktuar nga Covid, ajo gjithashtu përfaqëson një hap të madh të besimit në joshjen afatgjatë të Dubait. Pas një udhëtimi prej katër kilometrash me varkë nga kontinenti, 300 ishujt artificialë të Botës ngrihen nga Gjiri Arabik si bunkerë golfi të përmbysur.
Shumica e tyre kanë qëndruar bosh që nga fillimi i projektit në 2003, me rëniet financiare globale të mëvonshme duke bërë pak për të inkurajuar zhvilluesit. Dhe pastaj Zemra e Europës (HoE) del në dritë.
Jo më pak se 15 hotele luksoze, shtëpi pushimi dhe pallate miliarderësh tani qëndrojnë ose kanë filluar të shfaqen në këto parcela ujore. Shumica janë ende të papërfunduara, duke pritur prekjet e fundit të nevojshme për të përmbushur afatet e para të përfundimit në fund të vitit 2020.
Gjashtë ishuj me temë formojnë Zemrën e Europës, me udhëtarët në gjendje të zgjedhin midis vendeve të dizajnuara për të kopjuar Suedinë, Gjermaninë, Zvicrën, Venecia, Cote d’Azure dhe të tjerat.
Koncepti është që, pasi të kenë mbërritur, turistët duhet të jenë në gjendje të bindin veten se janë transportuar nga nxehtësia arabe nëpër vende me klima më pak të thata dhe të zjarrta. (CNN)
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.