DW/ Si qytetarët e Ballkanit, përfshirë Shqipërinë po shkojnë në Serbi për t’u vaksinuar?!
Ftesa e Serbisë për bizneset nga rajoni dhe qytetarët po shoqërohet me mijëra vetë që po shkojnë në Serbi për t’u vaksinuar.
Jo vetëm nga rajoni por edhe nga Shqipëria ka mbërritur një avion me pasagjerë të cilët kanë zgjedhur të vijnë në Beograd për t’u vaksinuar meqenëse për momentin në endin janë duke u vaksinuar vetëm mosha e tretë dhe stafet shëndetësore, pedagogjike, policore dhe ato të gazetarisë.
Në Serbi janë në dispozicion prej disa javësh jo vetëm vaksinat e Pfizer/Biontech, por edhe vaksina ruse “Sputnik V” dhe vaksina kineze Sinopharm. Po ashtu ndryshe nga shumë vende të tjera, qytetarët e Serbisë mund të zgjedhin se çfarë vaksine dëshirojnë të bëjnë.
Ndërkaq sipas mediave të huaja është bërë me dije se Serbia ndërkohë edhe pse disponon një sasi të konsiderueshme vaksinash në vend po has vështirësi për të bindur popullsinë e saj vendase për t’u vaksinuar, ndërkohë që u ka bërë ftesë të huajve të vijnë të vaksinohen atje.
(Deutsche Welle & France24)
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.