Dy mure të tjera ndarëse në Europë – Ndërtimet prej 150 milionë euro synojnë ndalimin e emigrantëve të paligjshëm
Lituania ka filluar të ndërtojë një gardh 508 kilometra në kufirin e saj me Bjellorusinë për të parandaluar hyrjen e emigrantëve të paligjshëm në BE përgjatë kufirit kryesisht të pasigurt.
Rrotulla me tela me gjemba po shtriheshin në një pjesë të kufirit pranë qytetit banjë të Druskininkai, njoftoi qeveria lituaneze ndërsa puna paraprake ishte duke u zhvilluar edhe në seksione të tjera.
Pas vendosjes së pengesës, një gardh rreth 4 metra i lartë i përforcuar me tela me gjemba do të ngrihet si një pengesë e dytë drejt fundit të vitit. Ndërtimi është planifikuar të përfundojë në vitin 2022 dhe do të kushtojë deri në 152 milionë euro (176 milionë dollarë).
Në Letoninë fqinje po punohet gjithashtu për të ndërtuar një gardh përgjatë kufirit të vendit me Bjellorusinë. Si një zgjidhje e shpejtë, më shumë se 37 kilometra rrotulla me tela me gjemba do të vendosen në seksione të ndryshme të kufirit. Sipas një raporti të radios Letoneze, deri më tani janë kaluar 1.7 kilometra.
Qeveritë në Vilnius dhe Riga akuzojnë Bjellorusinë se ndihmon refugjatët nga zonat e luftës për të arritur kufirin e jashtëm të BE-së dhe duke bërë kështu, krijojnë një krizë migracioni. Lukashenko paralajmëroi BE-në në fund të majit se vendi i tij nuk do t’i pengojë më emigrantët të udhëtojnë drejt BE-së, si hakmarrje për sanksionet e forta perëndimore ndaj Minskut.
Lituania, Letonia dhe Polonia njësoj tani po luftojnë me një fluks emigrantësh të paligjshëm nga Lindja e Mesme përtej kufijve të tyre. Të tre vendet kanë shpallur tashmë një gjendje të jashtëzakonshme në kufirin e tyre.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.