Dy vite në pandeminë e Covid-19! Mbrëmja e Vitit të Ri shënon përvjetorin e dytë të rastit të parë të raportuar
Mbrëmja e Vitit të Ri do të shënojë përvjetorin e dytë të rastit të parë të raportuar me Covid-19 në Vuhan, Kinë. Që prej atëherë, mbi 280 milionë raste të sëmundjes janë raporuar dhe mbi 5.4 milionë njerëz kanë vdekur nga Covid-19. Ndërkohë, mbi 8.5 miliardë doza të vaksinave të Covid-19 janë administruar në nivel botëror dhe ilaçe të reja janë zbuluar për të luftuar sëmundjen. Më 31 Dhjetor 2019, Organiata Botërore e Shëndetësisë u alarmua nga autoritetet kineze për një serë rastesh të ngjashme mëe pneumoni në qytetin e Vuhanit, që është qendra e provincës Hubei në Kinë, ndërkohë që po zhvilloheshin festime për vitin e ri.
Më 1 Janar, 2020, Qendra për Kontrollin dhe Parandalimin e Sëmundjeve identifikoi një treg të ushqimeve të detit në Vuhan, që dyshohej se ishte qendra e përhapjes së virusit.
Tregu i ushqimeve të detit në epiqendrën e koronavirusit në Kinë u mbyll nga organet rregullatore më 1 Janar 2020. Ditën e Hënë, më 6 janar, autoritetet shëndetësore në Vuhan, përjashtuan gripin, gripin e shpendëve, adnoviruset dhe koronaviruset SARS dhe MERS, si patoghenin e mundshëm të aparatit të frymëmarrjes, që kishte infektuar 59 njerëz deri më 5 Janar.
Më 9 Janar, Organizata Botërore e Shëndetësosë deklaroi se infeksionet erdhën si pasojë e një lloji të ri koronavirusi, nga e njejta familje si SARS, që u përhap në vitin 2002 në Kinë dhe MERS, që u identifikua për herë të parë në vitin 2012 në Arabinë Saudite.
“Autoritetet kineze kanë bërë një përcaktim të parakohëshëm të një koronavirusi të ri, të identifikuar në një person të shtruar në spital me pneumoni në Vuhan. Hetuesit kinezë zhvilluan sekuencim genetik të virusit duke përdorur një vecim nga një mostër e një pacienti pozitiv. Identifikimet paraprake të një virusi të ri në një periudhë të shkurtër kohore përbëjnë një arritje të dukshme dhe vënë në dukje kapacitetin e Kinës për të manaxhuar vatrat e infeksioneve.
Informacioni fillestar mbi rastet e pneumonisë në Vuhan i ofruar nga autoritetet kineze, përshirë me profilin e punës, vendodhjes dhe simptomave të njerëzve të ndikuar, tregon për se një koronavirus është një patogjen i mundshëm që po shkakton vatrën. Autoritetet kineze raportuan më pas se testet laboratorike përjashtuan SARS, MERS, gripin, gripin e derrit, adenovirset dhe patogjen të tjerë të zakonshëm të aparatit të frymëmarrjes” njoftoi OBSH
Viktima e parë zyrtare ishte një 61 vjeçar i infektuar me një virus misterioz, i cili vdiq në Vuhan më 11 janar.
Në Shangai, maskat e fytyrës u zbrazën nga inventarët, ndërkohë që udhëtuesit u shqetësuan mbi përhapjen e virusit.
Autoritetet lajmëruan një karantinë të madhe për të gjithë Vuhanin më 23 Janar 2020 në orën 10 të mëgjesit. Asnjë lëvizje nuk do lejohej brenda apo jashtë qytetit dhe shumë pika të kontrollit të temperaturës u shtuan në spitale si dhe përdorimet e kamerave të imazherise termike në qendra të transportit, sipas raportimeve nga televizioni shtetëror kinez.
Vdekjet nga virusi i ri i ngjashëm me gripin në Kinë u rritën në 17 më 22 janar, me mbi 540 raste të konfirmuara, ç’ka bëri që Vuhani të mbyllë rrjetet e transportit dhe t’i bëjë thirrje banorëve që të mos dalin, për të parandaluar përhapjen evirusit. Bllokime në rrugë u caktuan ndërkohë që Vuhani u fut në karantnië nga virusi.
Aeroportet ndërkombëtare, përfshirë atë të Singaporit, Lagos, Sri Lanka, Filipine dhe Itali, filluan të zhvillojnë skanim termik.
Organizata Botërore e Shëndetësisë tha se është pak herët për të shpallur koronavirusin një emergjencë botërore të shëndetësisë
“Mos bëni gabim, kjo është një emergjencë në Kinë, por nuk është bërë ende një emergjencë botërore e shëndetësisë. Megjithatë, mund të bëhet një e tillë” deklaroi kreu i OBSH-sw, Tedros Adhanom Ghebreyesus
Kina ndërtoi spitalin e emergjencës në një rekord prej vetëm 8 ditësh.
Më datë 4 Shkurt, Japonia konfirmoi 10 raste të koronavirusit në një anije krocere dhe lajmëroi se do ta karantinojë për 2 javë dhe monitorojë për temperaturë 3,700 persona në bord.
Mbi 700 persona u testuan pozitiv për Covid-19 në anije dhe 14 prej tyre ndërruan jetë.
Autobuzët transportuan pasagjerë nga anija Diamond princess, duke dalë nga porti Jokohama i Japonisë më 16 Shkurt.
Doktori kinez, Lie Wenliang, që dha paralajmërimin e parë mbi koronavirusin përpara se të njihej zyrtarisht, vdiq nga virusi, duke shkaktuar vajtim në publik dhe shprehje të rrallë të irritimit kundërqeverisë
Në lindjen e Mesme, Iraku i dha vrull masave parandaluese 1 ditë pasi ndaloi kalimet kufjiëtare me iranianët për 3 ditë, prej shqetësimeve të koronavirusit. Agjencia shtetërore e lajmeve në Irak, deklaroi më 20 shkurt se banorët iranianë do të ndalohen së hyri pas disa personave të testuar pozitiv me virusin atje. Vendimi erdhi pasi lijna ajrore e irakut pezulloi fluturimet me Iranin.
Më 21 Shkurt, italia raportoi vdekjen e parë nga virusi dhe mbylli ambientet publike në 10 qytete në vend, pasi u konfirmuan 16 raste në veriu të Italsië brenda 1 dite. Karnevalet e Venecias u ndaluan për shkak të infeksionit.
Një ministër në Iran dukej i sëmurë në një konferencë në lajme, përpara se të diagnostikohej me koronavirus.
Presidenti Donald Trump i tha amerikanëve më 26 shkurt se rreziku nga koronavirusi qëndron shumë i ulët dhe i caktoi zv/presidentit Mike Pence detyrën për të koordinuar reagimin e Shteteve të Bashkuara ndaj krizës botërore të shëndetësisë.
Në një konferencë në Shtëpinë e Bardhë me task forcën e koronavirusit, Trump mbrojti reagimin e administratës së tij ndaj krizës dhe tha se zyrtarët e shëndetit publik ishin të gatshëm dhe të aftë për të vepruar shpejtë nëse virusi përhapet.
“Për shkak të asaj që kemi bërë, rreziku i popullit amerikan qëndron tejet i ulët, ne kemi eksperët më të mirë në botë, në të gjithë botën, këtu pranë nesh” deklaroi presidenti amerikan Donald Trump.
Drejtori i Përgjithshëm i Organizatës Botërore të Shëndetësisë, Tedros Adhanom Ghebreyesus, e quajti koronavirusin e ri një pandemi më 11 Mars 2020.
Më 13 Mars, Organizata Botërore e Shëdnetësisë deklaroi se Europa është kthyer në epiqendrën e pandemisë.
Kryeministri i Italisë, Giuseppe Conte, ashpërsoi karantinën e koronavirusit në mes të muajit Mars, pasi shifrat treguan se Italia ka normën më të lartë të rritjes ditore të vdekjeve në çdo vend të botës, që kur nisi pandemia.
Arkivolet u shtuan në Veri të italisë, ndërkohë që varrezat po hasnin vështirësi për t’i bërë ballë numrave.
Franca raportoi mbi 10,000 raste me koronavirus më 18 Mars, ndërkohë që rrugët e Parisit ishin të qeta gjatë karantinës.
Banorët në Berlin u zgjuan herët me rrugë jashtëzakonisht të qeta në mëngjesin e 18 Marsit, pasi kryeqyteti gjerman hyri në ditën e parë të kufizimeve të gjera ndaj jetës publike, për të luftuar koronavirusin
Më 24 Mars, me shumicën e udhëtimeve ajrore të anulluara, linjat ajrore në botë kërkuan ndihma financiare, ndërkohë që kostot e koronavirusit u rritën deri në 250 miliardë tek industria.
Lojërat Olimpike 2020 në Tokjo u vonuan me 1 vit
Afrikanët u larguan nga qytetet drejt fshatrave, ndërkohë që u përhapën shqetësimet përgjatë kontinentit në fund të muajit Mars.
Rrugët u boshatisën në Johanesburg më 27 Mars, ndërkohë që Afrika e Jugut u përball me nisej e një karantine 21 ditore.
Zelanda e re vendosi një karantinë kombëtare më 25 Mars në përpjekje për të mposhtur pandeminë e koronavirusit.
Një grua 100-vjeçare mposhti koronavirusin dhe u bë simbol i shpresës për Spanjën.
Kryeministri Britanik Boris Johnson u shtrua në spital më 5 Prill pasi vuante nga simptoma të vazhdueshme të koronavirusit për mbi 10 ditë. Gejndja e tij u përkeqësua shpejtë dhe ai kaloi në njësi intensive më 6 Prill.
Kryeministri Boris Johnson doli nga spitali më 12 Prill dhe falenderoi Shërbimin Kombëtar të Shëndetësisë pasi i shpëtoi jetën.
Shteti i New Yorkut raportoi më 8 Prill 2020 rastet më të larta të koronavirusit në botë, duke kaluar Spanjën, sipas përllogaritjeve të Reuters.
Papa Francesku u gjunjëzua në një dysheme të zbrazur në Bazilikën e Shën Pjetrit më 10 Prill, duke u lutur në përkujtim të orëve të fundit të jetës së Jezusit dhe kryqëzimin e tij.
Mijëra njerëz mbanin rradhën më 29 Prill për pako ushqimore, në kohë të karantinës në qytetin Centurion të Afrikës së Jugut. Pamjet me dron treguan mijëra njerëz që qëndronin në rradhë, që zgjatej me 4 kilometra.
Koronavirusi solli një normalitet të ri. Ndërkohë që njerëzit dolën nga javë të karantinës në botë, ata u përballen me një serë masash të reja për të mbajtur virusin nën kontroll dhe mbrotjur njerëzit më të cënuar të shoqerisë.
Në Austri, një nga vendet e para në Europë që zbuti masat e karantinës, banorët u gëzuan me rikthimin e aktiviteteve, përfshirë me vizitat në parukeri më datë 2 Maj.
Familjet u ribashkuan në Itali, ndërkohë që u zbutën masat e karantinës më datë 4 Maj.
Italia ndërmorri një hap më pranë normalitetit të ri më datë 3 Qershor, me një serë lehtësimesh të masave që lejuan udëhtimet mes rajoneve për të parën herë që kur u vendos karantina e koronavirusit.
Organizata Botërore e Shëndetësisë, i bëri thirrje shteteve më 8 Qershor që të mos braktisin përpjekjet për të përmbajtur koronavirusi, duke theksuar se pandemia po përkeqësohet në nivel botërorë dhe ka arritur majën në Amerikën Qendrore.
Artistë në Brazil lëshuan tullumbacë të kuq më datë 1 Qershor, për të nderuar viktimat e koronavirusit, ndërkohë që vdekjet në vend kaluan 30,000
Plazhi i famshëm Kopakabana në Rio de Janeiro, u transformua brenda natës më 11 Qershor nga një zonë e nxehtë turistike në një varrezë të Covid-19, një kohë kur një organizatë lokale nisi një protest të ashpër kundër reagimit qeveritar ndaj pandemisë.
Presidenti i Brazuilit jair Bolsonari, u konirmua pozitiv me koronavirus. Ai hoqi maskën e fytyrës për të treguar se është mirë.
Presidenti i Iranit, Hassan Rouhani, tha më 18 korrik se rreth 25 milionë iranianë mund të jenë infektuar me koronavirus, ndërkohë që Irani rivendosi masa të kufizimeve në kryeqytet dhe vende të tejra.
Pelegrinët më 30 Korrik kaluan ditën në Malin Arafat të Arabisë Saudite, ku profeti Muhamed mbajti predikimin e tij të fundit, duke ngritur duart në lutje për të shlyer mëkatet e tyre, të veshur me maskë.
Anëtarët e Projektit Përkujtimor të Covid vendosën 20,000 flamuj amerikanë pranë momunentit në Ëashington, për të nderuar mbi 200.000 viktima nga koronavirusi. Deri më 22 Shtator 2020, Shtetet e Bashkuara, në mesatare javore, po humbisnin 800 jetë çdo ditë nga virusi, sipas Reuters. Kjo shifër ishte në rënie nga rekordi prej 2,806 vdekje ditore i regjistruar më 15 Prill.
Mijëra njerëz protestuan në rrugët e Berlinit më 29 Gusht kundër masave të koronavirsit, me shumë njerëz që thonin se ndodheshin atje për të mbrojtur liritë demokratike.
Qindra protestues u mblodhën në sheshin Trafalgar në Londër më 29 Gusht, për të kundërshtuar masat e koronavirusit të qeverisë britanike.
Banorë nga e gjithë italia u mblodhën në një demonstratë në Romë më 5 Shtator, për të protestuar kundër masave të kufizimit të Covid-19.
Njerëzit në Argjentinë marshuan në rrugët e Buenos Aires, duke mbajtur pankarta në duar më 17 Shtator, në përpjekje për të tërhequr vëmendjen ndaj punës, strehimit dhe vështirësi të tjera që përballet vendi.
Qindra protestues u mblodhën në lagjen e klasaës punëtore Vallecas të Madridit më 27 Shtator, për të kërkuar një reagim të ndryshëm ndaj Covid nga qeveritë rajonale, që urdhëruan kufizime të lëvizjes në zona ku jetojnë një total prej 850,000 banorë, ç;ka nxiti shqetësime të diskriminimit.
Protestuesi marshuan në Manhattan, Neë York më 28 Shtator, drejt zyrës së guvernatorit duke bërë thirrje që vaktet në ambientet e brendshme të rriten në të paktën 50% kapacitet. Restorantet në New York Citi pritej të rinisnin ofrimin e vakteve brenda më 25% kapacitet nga 30 Shtatori.
Presidenti i Shteteve të Bsahkuara, Donald Trump, u dërgua në një spital ushtarak për trajtim më 2 Tetor, pasi u diagnostikua me Covid-19, ndërkohë që administrata e tij dhe fushata për zgjedhje u zhytën në kaos.
Presidenti Donald Trump u shfaq në një video nga dhoma e spitalit më datë 3 Nëntor, duke thënë se ndihej shumë më mirë, pas një dite të mesazheve kontradikutese nga Shtëpia e Bardhë mbi gjendjen e tij shëndetësore, pas diagnostikimit me Covid-19.
Ndërkohë numri i vdekjeve nga koronavirusi në Indi u rrit përtej 100,000 më 3 Tetor.
Brazili kaloi nivelin e 5 miilionë rasteve të konfirmuara me Covid-19 më 7 tetor, ndërkohë që i’u afrua 150,000 vdekjeve, në vatrën e dytë më vdekjeprurëse të koronavorisit jashtë Shteteve të bashkuara.
Kryeministri Boris Johnson lajmëroi më 31 Tetor se Anglia do të futet përsëri në një karantinë kombëtare pasi Mbretëria e Bashkuar kaloi nivelin e 1 milionë rasteve me Covid-19 dhe vala e dytë e infeksioneve kërcënonte të çonte shërbimin kombëtar shëndetësor në mbikapacitet. Johnson, në një konferencë të shpejtë për shtyp në Doëning Street, pasi lajmi i karantinës doli padashje në media sociale, tha se karantina 1 mujore në Angli do të nisë në Mesnatën e 5 Nëntorit dhe do të zgjasë deri më 2 Dhjetor.
Pfizer deklaroi më 9 nëntor se vaksina eksperimentale është mbi 90% efektive bazuar në rezultatet e provave fillestare, ç’ka solli një fitore kundër pandemisë. Pfizer dhe partneri gjerman BioNTech u bënë kompanitë e para që publikojnë të dhëna të suksesshme nga një provë klinike në masë, për një vaksinë të koronavirusit.
Një grua 90 vjeçare në Britani u bë personi i parë në botë që merr vaksinën e Covid-19 të Pfizer jashtë një prove klinike. Margaret Keenan, mori vaksinën në spitalin lokal në Conetry, në Anglinë qendrore, një javë përpara se të mbushte 91 vjeç.
Presidenti francez Emmanuel Macron tha se ishte mirë, një ditë pasi u testua pozitiv me Covid-19, por shtoi se po punonte me një ritëm më të ngadaltë ndërkohë që merrte veten. Macron, që u testua pozitiv më 17 Dhjetor, shkaktoi një përpjekje të gjurmimit tek liderët e Bashkimit Europian, që ishin takuar me të në ditët e fundit.
Bota jonë ka arritur një rekord zemër thyes” tha Shefi i OKB, Antonio Guterres në një deklaratë në video të publikuar më 15 Janar 2021, ndërkohë që vdekjet nga koronavirusi kaluan 2 milionë, sipas përllogaritjeve të Reuters.
Numri i vdekjeve në Meksiko nga koronavirsui kaloi 150,000 më 25 Janar, pas një rritjeje të infekisoneve që çoi sistemin shëndetësor në mbipakacitet, dhe bëri që presidenti të marrë Covid-19
Anglia nisi një skemë të karantinës në hotele më 15 Shkurt 2021. Udhëtuesit qqë mbërrinin në Angli nga 33 vendet në list të kuqe, duhe të kalonin 10 ditë të karantinuar në një dhomë hoteli, sipas kufizimeve të reja kufijëtare, që synon të ndalonin variantet e reja të koronavirusit.
India zbuloi një variant dyfish të ndryshuar të koronavirusit në 206 mostra të gjakut në shtetin më të goditur, Maharashtra, sipas deklartës së qeverisë më 24 Mars.
Shefja shkencore e Organizatës Botërore të Shëndetësisë, Soumya Sëaminathan, tha se varianti Delta i Covid-19 do të bëhet së shpejti mbizotërues në botë.
Mjekët në izrael zbuluan raste të ashpra tëCovid-19 që i penetronin mbrojtjtes nga vaksina tek të moshuarit dhe pacientët e sëmurë.
Presidenti i Shteteve të Bashkuara, joe Biden, morri dozën nxitëse të vaksinës tek Shtëpia e Bardhë.
Varianti i ri Omicron i koronavirusit u përhap në dhjetyëra vende në botë, përfshirë Shtetet e Bashkuara dhe Indi. Autoritetet shqetësoheshin se varianti do të ishte më i transmetueshmi deri më atëherë, por nuk kishte ende të dhëna mbi efektet afat-shkurtra dhe afat-gjata të variantit, të identifkiuar fillimisht në Afrikë dhe Hong Kong.
Presidenti i Afrikës së Jugut, Cyril Ramaphosa, vuri në dyshim nevojën e ndalimit të udhëtimeve me vendin, duke kritikuar Anglinë dhe shtetet e tjera që ndaluan pasagjerët. Ramaphosa më vonë u testua pozitiv me Covid-19, më 12 Dhjetor.
OBSH deklaroi se doza nxitëse mund të ndihmojë me pandeminë, nëse shpërndarja vjen në mënyrë të barabartë me të gjitha vendet.
Australia rihapi kuijtë më 15 dhjetor ndaj të emigrantëve të vaksinuar dhe studentëve të huaj, pas një ndalese thuajse 2 vjeçare të hyrjes në vend, në përpjekje për të nxitur ekonominë e goditur nga masat e karantinës së herëpas hershme.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.