Dy vite pas tërmetit/ EU4Schools rikthen ‘në jetë’ deri më tani 19 shkolla në zonat me të prekura!

Më 17 shkurt 2020, Bashkimi Europian organizoi në Bruksel Konferencën e Donatorëve Ndërkombëtarë “Së bashku për Shqipërinë”, që kishte si synim mbështetjen e Shqipërisë në përpjekjet e saj të rindërtimit pas tërmetit shkatërrimtar ku premtoi 115 milionë euro nga buxheti i BE-së për rindërtimin e shpejtë dhe rehabilitimin e objekteve kyçe publike.

Dhe pikërisht fill pas kësaj erdhi në jetë programi #EU4Schools me një vlerë 75 milionë euro, duke për një të ardhme më të mirë për nxënësit, mësuesit dhe fëmijët në 11 bashkitë më të prekura — një veprim mbështetës, nga i cili përfitojnë brezat më të rinj të vendit. Programi që zbatohet nga UNDP, e cila ka investuar gjithashtu edhe 765,000 euro, është duke rikonstruktuar ose riparuar 63 institucione arsimore gjithsej.

Sipas informacionit të [publikuar në faqen zyrtare deri më sot, 19 shkolla kanë përfunduar. Rreth 6000 fëmijë po mësojnë në ambiente të reja dhe moderne, njëlloj si moshatarët e tyre në një vend të Bashkimit Evropian.

Në procesin e rindërtimit, UNDP informon se ka ndërthurur dy parime themelore: #RindërtojmëMëMirë dhe #RindërtojmëSëBashku ku e para nënkupton struktura më të forta që mund t’u rezistojnë tërmeteve dhe fatkeqësive natyrore, duke pasur standardet më të larta ndërkombëtare të cilësisë dhe sigurisë. Sipas UNDP të 63 objektet arsimore nga të cilat përfitojnë 24 mijë nxënës dhe mësues do të kenë burime të energjisë së rinovueshme, do të jenë plotësisht të aksesueshme nga nxënësit dhe fëmijët me aftësi të kufizuara dhe do të kenë hapësira të dedikuara për kujdesin mjekësor dhe mbështetjen psikologjike.

Parimi #RindërtojmëMëMirë ka ofruar mundësinë unike për të përfshirë përfituesit në rindërtimin e institucioneve të tyre arsimore dhe për ta “përshtatur” projektin sipas nevojave të tyre. 58 takimet konsultuese dhe 16 “kontrollet në vend” të organizuara deri më tani kanë mbledhur së bashku rreth 1900 nxënës, fëmijë, prindër, përfaqësues të qeverisjes vendore dhe të institucioneve vendore — duke nxitur kështu edhe pronësinë dhe qëndrueshmërinë e investimit.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.