Dyfishohen rastet me Covid – 82 të infektuar gjatë 24 orëve të fundit/ Ndërrojnë jetë 3 pacientë të tjerë
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 368 qytetarë ku kanë rezultuar pozitiv 82 raste të reja, duke e çuar në 2661 numrin total të të infektuarve në të gjithë vendin.
Rastet e reja janë përkatësisht: 30 raste në Tiranë, 6 raste në Shkodër, Kavajë dhe Fushë Arëz, 1 rast në Elbasan, Lezhe, Has, Pukë, Rrogozhinë, 2 raste në Berat, Dibër, Vau i Dejës, Korçë, Fier dhe Kurbin, nga 4 raste në Krujë, Durrës dhe Lushnje si dhe 5 raste në Vlorë.
Aktualisht në dy spitalet Covid janë të shtruar 78 pacientë ku 9 prej tyre janë në terapi intensive dhe 2 në intubim, ndërsa rastet e tjera po monitorohen nga mjeku i familjes.
Ministria e Shëndetësisë ka njoftuar se gjatë 24 orëve të fundit kanë ndërruar jetë 3 pacientë të moshës 63 e 65 vjeç nga Tirana dhe 60 vjeç nga Elbasani, si pasojë e sëmundjeve të tjera shoqëruese.
Gjatë 24 orëve të fundit janë shëruar 43 pacientë, duke e çuar në 1559 numrin total të tyre dhe ka akoma 1034 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.