Dyfishohet rritja/INSTAT: PBB e tremujorit të tretë 3.81 %! Çfarë ndikoi pozitivisht
Produkti i Brendshëm Bruto (P.B.B) në tremujorin e tretë të vitit 2019 vlerësohet me rritje prej 3,81 %, kundrejt tremujorit të tretë të vitit 2018. Referuar Institutit të Statistikave, kontributin kryesor në këtë rritje e kanë dhënë degët: Tregti, Transport, Akomodim dhe Shërbim ushqimor me +1,25 pikë përqindje, Administrata publike, Arsimi dhe Shëndetësia me +0,71 pikë përqindje, Industrisë, Energjisë dhe Uji me +0,67 pikë përqindje, aktivitete profesionale dhe Shërbime administrative me +0,63 pikë përqindje, Aktivitete të pasurive të paluajtshme me +0,29 pikë përqindje, Aktivitete Financiare dhe të Sigurimit me +0,28 pikë përqindje, aktiviteti I Bujqësisë, Pyjeve dhe Peshkimit me +0,15 pikë përqindje.
Ndërkohë, negativisht kanë kontribuar aktiviteti i arte, argëtim dhe çlodhje; aktivitete të tjera shërbimi me -0,63 pikë përqindje, Ndërtimi me -0,10 pikë përqindje dhe Informacioni dhe Komunikacioni me -0,02 pikë përqindje. Taksat Neto mbi produktet kontribuan pozitivisht me +0,57 pikë përqindje.
Nëse analizojmë shifrat, tremujori korrik-gusht-shtator rezulton te këtë qenë periudha më e mirë në krahasim me dy tremujorët e parë. Ndikim në këtë rast ka pasur padyshim turizmi duke qenë se në këtë tremujor është sezoni turistik.
Në tremujorin e dytë PBB-ja u rrit me 2.31 % ndërsa në tremujorin e parë të vitit me 2,21 %.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.