Dyndje automjetesh në doganën e Morinës – 22 mijë shtetas nga Kosova hyjnë në Shqipëri
Policia Kufitare në Morinë, që prej orës 03.00 të mëngjesit ka regjistruar një dyndje hyrjesh në republikën e Shqipërisë, konkretisht 22145 shtetas Nga Kosova me 4058 mjete. Si pasojë janë shtuar sportelet në maksimum dhe janë aplikuar procedura të përshpejtuara për të përballuar fluksin e jashtëzakonshëm në hyrje, bën me dije Policia Shtetit.
Ndërkohë, Policia Rrugore, për të parandaluar aksidentet dhe ndihmuar vargun e pandërprerë të automjeteve që lëvizin në drejtim të Lezhës dhe bregdetit tonë, ka shtuar prezencën e Policisë Rrugore në rrugën e kombit, vazhdon njoftimi. Si pasojë e punimeve në urën e Kukësit, Policia ka vendosur një shërbim fiks për të ndihmuar qarkullimin e automjeteve në të dyja kahet e lëvizjes.
Policia Rrugore apelon të gjithë drejtuesit e mjeteve që të respektojnë rregullat e qarkullimit, të mos parakalojnë karvanin e gjatë të automjeteve për shkak të fluksit të madh pasi rrezikojnë jetën e tyre dhe të përdoruesve të rrugës.
Morinë, KukësFluks i madh, në hyrjen për në Shqipëri, i shtetasve kosovarëPrej orës 03.00 të mëngjesit kanë hyrë në RSH, 22145 shtetas me 4058 mjete.Policia Kufitare në Morinë, që prej orëve të mëngjesit ka shtuar sportelet në maksimum dhe po aplikon procedurën e përshpejtuar për të përballuar fluksin e jashtëzakonshëm në hyrjeGjithashtu Policia Kufitare në Morinë po kryen kontrolle me përzgjedhje dhe sipas analizës së riskut, për mjete dhe persona të dyshuar për veprimtari të kundërligjshme, që mund të përfitojnë nga fluksi.Ndërkohë, Policia Rrugore, për të parandaluar aksidentet dhe ndihmuar vargun e pandërprerë të automjeteve që lëvizin në drejtim të Lezhës dhe bregdetit tonë, ka shtuar prezencën e Policisë Rrugore në rrugën e kombit.Për shkak se te ura e Kukësit po kryhen punime, Policia Rrugore ka vendosur shërbim fiks për të ndihmuar qarkullimin e automjeteve në të dyja kahet e lëvizjes.Policia Rrugore apelon të gjithë drejtuesit e mjeteve që të respektojnë rregullat e qarkullimit, të mos parakalojnë karvanin e gjatë të automjeteve për shkak të fluksit të madh pasi rrezikojnë jetën e tyre dhe të përdoruesve të rrugës .Shërbimet e Policisë Rrugore me mjetet logjistike në dispozicion po monitorojnë trafikun, jo vetëm në Rrugën e Kombit, por në të gjitha akset rrugore, me përparësi akset drejt plazheve të vendit dhe do të ndëshkojnë cilindo drejtues mjeti që do shkelë rregullat e qarkullimit rrugor .
Posted by Policia e Shtetit on Monday, August 12, 2019
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.