E-Albania: Shqiptarët që jetojnë në këto 13 shtete mund të aplikojnë për certifikatë lindje dhe familjare

Portali qeveritar e-Albania ka zgjeruar hapësirën gjeografike të veprimit për shqiptarët që jetojnë dhe punojnë jashtë vendit.

Tashmë bashkatdhetarët që jetojnë në Austri, Bullgari, Çeki, Hungari, Itali, Kosovë, Kroaci, Japoni, Mal i Zi, Rumani, Sllovaki, Zvicër dhe Turqi mund të aplikojnë për certifikata lindje dhe familjare në shërbimet elektronike në e-Albania: ‘Aplikim për certifikatë lindje’ dhe ‘Aplikim për certifikatë familjare.’

Sipas të dhënave të e-Albania, çdo muaj përmes portalit kryhen rreth 5000 aplikime për shërbime konsullore. Ndërkohë, certifikatat familjare vijojnë të mbeten edhe shërbimi më i përdorur nga qytetarët në portalin e-Albania.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.