E-commerce në “boom”, dy të tretat e përdoruesve në Europë blejnë në rrjet
Dy të tretat e përdoruesve të internetit në Europë, e shfrytëzojnë rrjetin edhe për të blerë, tregojnë të dhënat e fundit të publikuara nga Eurostat. Kjo normë ndryshon në vende të ndryshme të Europës.
Në Rumani vetëm 18% e përdoruesve të internetit e shfrytëzojnë atë edhe për të blerë, ndërkohë që në Mbretërinë e Bashkuar norma shkon deri në 87%.
E-commerce është më e preferuar te grupmoshat 16 deri në 24 vjeç, dhe 24 deri në 54 vjeç, ku norma fiksohet në 68 dhe 69% respektivisht. Mallrat e preferuar janë veshjet dhe artikujt sportiv, që preferohen nga 61% e blerësve. 52% e tyre e përdorin rrjetin për të bërë rezervime hotelesh dhe pushimet.
Te kjo kategori e gjen veten më shumë grupmosha nga 55 deri në 74 vjec, me 57%. Nga ana tjetër, 40% e blerësve kanë marrë shërbime dhe mallra në rrjet për nëj vlerë mes 100 dhe 499 dollarëve.
Në Europë është rritur ndjeshëm edhe blerja nga vendet e unionit, 32% kundrejt 25% në vitin 2012. Në Gjermani, Danimarkë dhe Gjermani, 8 në 10 përdorues interneti janë edhe blerës të rregullt.
Ata që e shfrytëzojnë më pak internetin për të kryer blerje janë, veç rumunëve, edhe qipriotët dhe bullgarët. Në Maqedoni 75% e qytetarëve e përdorin internetin, dhe nga këta 15% e shfrytëzojnë edhe për të bërë pazar.
Roel Korkuti/RTV SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.