A e dini se sa koshere bletësh ka në Shqipëri?
Mjalti ynë është vlerësuar herë pas here nga ekspertët ndërkombëtarë me shumë cilësi dhe vlera të larta ushqyese ndaj dhe rritja e bletëve duhet të shikohet si një mundësi e mirë për të siguruar të ardhura si në fshat ashtu edhe në qytet.
Koha që ju duhet të kujdeseni për një koshere blete mund të themi se është tërësisht e papërfillshme duke marrë parasysh që një koshere blete prodhon rreth 20 kg mjaltë në vit.
Po a e dini se sa koshere bletësh kemi në Shqipëri?
Referuar të dhënave nga INSTAT gjatë vitit 2016, kosheret e bletëve shënojnë 303 mijë krahasuar me 271 mijë që ishin në 2015-ën dhe 261 mijë në vitin 2014.
Siç vihet re tendenca ka qen rritëse gjatë viteve të fundit në Shqipëri gjë e cila ka çuar gjithashtu edhe në rritjen e prodhimit të mjaltit nga 3000 në 4000 ton.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.