E djathta radikale në Gjermani proteston kundër karantinimit – Policia arreston 100 individë për shkelje të masave të bllokimit

Më shumë se 100 njerëz u arrestuan të shtunën nga policia gjermane për shkelje të masave të bllokimit për të cilin ata po protestonin kundër.

Qindra njerëz u mblodhën rreth sheshit Rosa Luxemburg të Berlinit për të protestuar ndaj masave të karantinimit, pavarësisht se autoritetet kërkuan ndalimin e mbledhjes. Kryeqyteti gjerman ka ndaluar mbledhjet e më shumë se 20 personave në mënyrë që të frenojë përhapjen e pandemisë COVID-19.

Uebfaqja e organizatorëve të protestës bëri thirrje për “përfundimin e gjendjes së jashtëzakonshme” dhe rishikimin e kërcënimit të paraqitur nga virusi.

Disa nga demonstruesit mbanin bluza duke akuzuar kancelaren Angela Merkel për “ndalimin e jetës”, ndërsa të tjerët thjesht thërrisnin “liri”.

Pesë oficerë policie u plagosën lehtë. Gjermania deri më tani ka regjistruar 152,438 raste të konfirmuara me COVID-19 dhe 5,500 vdekje, sipas Institutit Robert Koch.

Pakënaqësia publike me rregullat e izolimit po rritet gradualisht në Gjermani me kundërshtimin e masave të bllokimit që udhëhiqet nga e djathta radikale, forca kryesore e opozitës në parlamentin gjerman.

Partia Alternativa e ekstremit të djathtë për Gjermaninë (AfD) akuzon qeverinë se po e ekzagjeron rrezikun e paraqitur nga virusi dhe ka bërë thirrje për rihapjen e menjëhershme të të gjitha bizneseve.

D.B – SCAN
Burimi: Euronews

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.