“E-Konsullata”, ja si mund të aplikoni për të përfituar menjëherë 36 shërbime të reja. Dokumentet që mund të përfitoni nëse jeni jashtë Shqipërie
Nëse ndodheni jashtë Shqipërie dhe ju nevojitet një dokument apo asistencë nga shteti shqiptar, tashmë e keni shumë më të lehtë.
Portali E- Albania mundëson një paketë prej 36 shërbimesh elektronike. Tashmë, qytetarët mund të aplikojnë online për të marrë shërbimin e kërkuar, vetëm duke klikuar në portalin “E-Albania”.
Konkretisht, në këtë portal shpjegohet procedura që duhet të ndjekin qytetarët për të aplikuar për certifikata, leje kalimi, pasaportë/kartë ID, asistencë, deklarata noteriale, lidhje martese etj.
Sipas portalit E-Albania, për të thjeshtuar edhe më tej marrjen e tyre, shërbimet janë organizuar nën një rubrikë të vetme të quajtur “e-Konsullata”.
Kështu, qytetarët mund të aplikojnë dhe mund të kenë akses për këto shërbime duke klikuar në këtë faqe.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.