E rëndësishme/ Hiqet kolaudimi vjetor i makinave të përdorura. Nga 1 janari bëhet 1 herë në 2 vite. Taksitë e fugonët, 1 herë në vit
Duke nisur nga muaji i ardhshëm, Shqipëria nuk do të aplikojë më detyrimin për kontrollin teknik vjetor të automjeteve. Nga janari 2021, kolaudimi për automjetet e përdorura do të bëhet një herë në dy vite. nga kjo risi, përfitojnë 630 mijë automjete që janë në Shqipëri.
Lajmi u bë i ditur nga kryeministri Edi Rama në një postim në rrjetet sociale ku informoi se mjetet e reja (0 km) 3 vitet e para nuk do të kalojnë në kolaudim ndërsa mjetet e përdorura, nga 1 herë në vit do ta kryejnë kolaudimin 1 herë në 2 vjet. Sa i përket mjeteve taksi, autoshkolla dhe mjetet e transportit të mallrave dhe udhëtarëve nga çdo 6 muaj do ta kryejnë kolaudimin vetëm 1 herë në vit!
Tarifat aktuale nuk do të rriten, megjithëse afati i vlefshmërisë zgjatet.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.