“EBF” skanon ekonominë – “Shqipëria, një ndër vendet me rritjen më të shpejtë në Europë”

Federate Europiane e Bankave i ka dedikuar një profil të posaçëm ekonomisë shqiptare më në gjerësi dhe sektorit bankar në mënyrë të detajuar.

Profili i Shqipërisë hapet me pohimin se, ekonomia shqiptare është një ndër ato me rritjen më të shpejtë  në Europë, me një normë në 3.8% përgjatë vitit të kaluar.

“Motori kryesor i rritjes ekonomike është kërkesa e brendshme private, ndërkohë që rritja e eksporteve ka dhënë një stimul shtesë përgjatë viteve të fundit. Papunësia ka rënë ndërkohë që edhe borxhi publik është në trend rënës”, thuhet me reshteve.

Sa i përket inflacionit projektohet një rritje graduale drejt objektivit të Bankës Qendrore, në 3%, ndërkohë që kërkesa rritet e po ashtu edhe çmimet e lëndëve të para në nivel global”, thuhet më tej.

Federata Europiane e bankave më tej nënvizon faktin se, perspektiva europiane e Shqipërisë është e domosdoshme për të vijuar me implementimin e reformave, e për rrjedhojë me një rritje më të shpejtë dhe të qëndrueshme të të ardhurave.

Edhe sistemi financiar, dhe ai bankar, që zë 93% të tij, vlerësohen me nota të larta. Ekspozimi i sektorit bankar ndaj atij jo-bankar ndërkohë vlerësohet si i ulët.

Roel Korkuti/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.