Ecuria javore e kursit të këmbimit/ Çfarë ka ndodhur me Euron, Paundin, Frangën dhe Dollarin?!

Java e parë e qershorit ka qenë relativisht e qëndrueshme për valutën e përbashkët europiane e cila ka ruajtur një vlerë gati konstante përgjatë tërë kësaj periudhë duke u këmbyer ditën e premte me 124.11 lekë.

Sipas të dhënave të publikuara nga Banka e Shqipërisë, Paundi britanik pas një rritjeje të lehtë ditën e martë dhe të mërkurë, ka pësuar një rënie gjatë ditëve në vazhdim duke kapur ditën e djeshme nivelin e 138.47 lekë sikurse edhe në fillim të kësaj jave.

Dollari amerikan ndërkaq ka ndjekur një kurbë negative përgjatë tërë periudhës së 1-5 qershorit duke pësuar një zbritje me gati 2 pikë që nga fillimi i javës teksa është kuotuar ditën e premte me 109.62 lekë.

Franga zvicerane gjithashtu ka pasur një javë jo shumë të mirë duke humbur rreth dy pikë që nga dita e hënë pasi ka arritur dje në vlerën e 114.51 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.