Ecuria javore e kursit të këmbimit/ Euro dhe Paundi fitojnë pike ndërsa Dollari shënon rënie
Kjo javë ka nisur pozitivisht për monedhën europiane por më pas ka regjistruar një rënie të lehtë për ta mbyllur ditën e premte sidoqoftë në kuotën e 123.96 lekë me një rritje të vogël në raport me ditën e hënë.
Ndërkaq Dollari amerikan ka ndjekur një kurbë në zbritje përgjatë tërë periudhës së 28 shtatorit – 2 tetorit, duke humbur rreth 0.5 pikë në fund të saj për tu këmbyer ditën e djeshme me 105.82 lekë, sipas të dhënave të publikuara nga Banka e Shqipërisë.
Paundi britanik edhe pse ka pësuar një zbritje të vlerës ditën e mërkurë dhe të enjte, ka shënuar një rritje të konsiderueshme ditën e premte prej 1.1 pikë për të kapur kështu nivelin e 136.9 lekë një vlerë më e lartë se ajo e fillimit të javës.
Franga zvicerane gjithashtu ka shënuar luhatje të vazhdueshme të vlerës për t’u këmbyer në fund të kësaj periudhe me 114.85 lekë, një kuotë pozitive dhe më e lartë se ajo e fillimit të kësaj jave.
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.