Ecuria javore e kursit të këmbimit/ Javë e qëndrueshme për Euron dhe luhatje të lehta për valutat e huaja
Monedha europiane ka regjistruar një javë shumë të qëndrueshme duke ruajtur të njëjtën vlerë prej 124.23 lekë sikurse ditën e hënë edhe ditën e premte me disa lëvizje shumë të lehta të vlerës gjatë ditëve të tjera.
Ndërkaq Dollari amerikan pas një rënie të ndjeshme prej 0.8 pikë ditën e martë është rimëkëmbur ditën e enjte duke e mbyllur javën në kuotën e 110.7 lekë me shumë pak diferencë nga fillimi javës.
Referuar të dhënave të publikuara nga Banka e Shqipërisë, Paundi britanik gjithashtu ka pësuar një zbritje të vlerës ditën e martë për të rikuperuar më pas në ditën në vazhdim teksa është këmbyer ditën e premte me 137.32 lekë.
Franga zvicerane pas disa luhatjeve negative gjatë mesit të javës është forcuar sërish në mbyllje të periudhës së 22-26 qershorit duke kapur ditën e djeshme nivelin e 116.83 lekë me një rritje të lehtë nga fillimi i javës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.