Ecuria javore e kursit të këmbimit/ Rënie drastike e Paundit britanik ndërsa monedha europiane nuk luhatet
Kjo javë ka shënuar një qëndrueshmëri konstante për monedhën europiane e cila e ka mbyllur ditën e premte në kuotën e 124.11 lekë sikurse edhe ditën e martë, referuar të dhënave të publikuara nga Banka e Shqipërisë.
Ndërkaq Paundi britanik është valuta që ka pësuar rënien më drastike përgjatë kësaj jave duke humbur rreth 3.5 pikë që nga dita e martë teksa ka kapur ditën e premte nivelin më të ulët prej 133.85 lekë.
Dollari amerikan gjithashtu është dobësuar gjatë periudhës së 08-11 shtatorit pasi ka zbritur në vlerën e 104.68 lekë ditën e djeshme më një ulje prej gati 1.5 pikë që nga fillimi i kësaj jave.
Franga zvicerane ndërkaq është e vetmja nga valutat kryesore që ka shënuar rritje të vlerës pasi ka fituar gati 1 pikë që nga fillimi i javës duke u kuotuar dje me 115.25 lekë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.