Ecuria javore e kursit të këmbimit/ Rënie e përgjithshme e valutave të huaja. Euro nuk luhatet!

Kjo javë ka qenë e qëndrueshme për valutën europiane e cila e ka nisur javën në kuotën e 124.04 lekë dhe e ka mbyllur atë ditën e djeshme në nivelin e 124.33 lekë, duke regjistruar kështu një rritje graduale të vlerës.

Ndërkaq Paundi britanik, referuar të dhënave të Bankës së Shqipërisë, ka pësuar një zbritje me gati 2 pikë përgjatë tërë kësaj jave duke u këmbyer ditën e hënë me 139.45 lekë dhe ditën e premte me 137.55 lekë.

Sa i përket Dollarit amerikan periudha e 25-29 majit ka qenë gjithashtu negative pasi ka shënuar një ulje të kuotës me rreth 1.5 pikë përgjatë tërë kohës duke e mbyllur ditën e djeshme në vlerën e 111.76 lekë.

Franga zvicerane e ka nisur këtë javë që lamë pas në nivelin e 117 lekë duke pësuar më pas një rënie të vazhdueshme përgjatë ditëve në vazhdim duke e mbyllur dje në kuotën e 116.32 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.