Ecuria javore e kursit të këmbimit/ Rritje drastike e valutave të huaja. Zhvlerësohet ndjeshëm monedha vendase

Sipas të dhënave të publikuara nga Banka e Shqipërisë monedha europiane e ka nisur javën në kuotën e 123.84 lekë për ta mbyllur atë në nivelin e 128.17 lekë, duke regjistruar kështu një rritje prej 4.2 pikësh.

Ndërkaq Dollari amerikan ka ndjekur një linjë rritëse përgjatë tërë kësaj jave duke e mbyllur atë në vlerën e 116.56 lekë, me një rritje totale prej më shumë se 2 pikësh.

Paundi britanik pas rënies drastike që pësoi javën e kaluar është rimëkëmbur në mënyrë të rëndësishme gjatë periudhës së 24-27 marsit, duke fituar mbi 8 pikë teksa është këmbyer ditën e premte me 142.33 lekë.

Java ka qenë pozitive edhe për Frangën zvicerane e cila vazhdon të jetë valuta më e qëndrueshme duke pësuar vetëm disa luhatje të vogla edhe gjatë kësaj jave, duke e mbyllur ditën e premte në nivelin e 120.96 lekë me një rritje prej gati 4 pikësh.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.