Ecuria javore e kursit të këmbimit/ Si ka qenë kjo javë për Euron, Paundin, Dollarin dhe Frangën?!

Monedha europiane ka regjistruar një javë relativisht negative pasi ka ndjekur një kurbë zbritëse që nga dita e hënë duke e mbyllur ditën e premte në kuotën e 123.37 lekë, me një humbje prej 1 pikë në total.

Ndërkaq Paundi britanik ka shënuar një rënie prej gati 3 pikë që nga fillimi javës duke u këmbyer ditën e djeshme me 139.25 lekë, referuar të dhënave të publikuara nga banka e Shqipërisë.

Franga zvicerane gjithashtu ka pësuar luhatje zbritëse të vlerës teksa e ka nisur javën në nivelin e 118.24 lekë dhe e ka mbyllur atë në kuotën e 117.34 lekë, me një rënie prej 1 pikë.

Dollari amerikan është valuta e vetme që ka regjistruar një javë relativisht të qëndrueshme krahasuar me monedhat e tjera, pasi ka mbetur pothuajse konstant përgjatë tërë periudhës së  11-15 majit duke e mbyllur atë në vlerën e 114.16 lekë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.