Edi Rama: Nga e enjtja maska e detyrueshme jashtë shtëpisë, në çdo mjedis të hapur dhe të mbyllur

Nëpërmjet një njoftimi në faqen zyrtare, kryeministri i vendit Edi Rama ka njoftuar se nisur nga dita e enjte përdorimi i maskës do të jetë i detyrueshëm jashtë shtëpisë, në çdo mjedis të hapur dhe të mbyllur.

Gjatë daljes publike Rama ka thënë se duhet të përballojmë të bashkuar dhe me dinjitet e vetëdije qytetare sfidën e vjeshtë-dimrit, për të shmangur medoemos një tjetër karantinë të përgjithshme.

“Numrat po rriten me shpejtësi kudo në botë! Disa vende po u rikthehen masave shtrënguese! Shqipëria është në kohë për të reaguar me vullnet dhe përgjegjshmëri qytetare”, është shprehur kryeministri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.