Efektet anësore të vaksinave anticovid – Rakacolli: Nga Pfizer, 4 raste me edemë të laringut, asnjë vdekje. Vaksina kineze është e sigurt 

80% e personave që janë vaksinuar me vaksinë e Pfizer kanë patur dhimbje në vendin e injektimit, 4 raste  kanë patur edemë të laringut dhe qafës, ndërsa nuk kanë munguar rastet kur kanë zhvilluar gjendra limfatike”. Të dhënat janë bërë publike nga zv. ministrja e Shëndetësisë, Mira Rakacolli, bazuar në monitorimet e kryera nga Komiteti për Vlerësimin e efekteve anësore nga vaksinat, ndërsa shtoi se deri më tani nuk ka patur asnjë humbje jete, si pasojë e vaksinave anticovid të aplikuar në vendin tonë.

Deklaratat e Rakacollit u bënë  gjatë diskutimit në Kuvend të marrëveshjeve për vaksinën kineze të Sinovac, ku u theksua siguria e saj, si dhe efektivetit në masën 100% për parandalimin e humbjeve të jetës apo shtrimeve në terapi intensive, nëse prekemi nga COVID-19.

Sipas relacioneve që shoqërojnë 2 aktet normative për miratimin e marrëveshjes me distributorin turk, të 1 mln dozave vaksinë Coronavac,k Kjo  vaksine është aprovuar per  përdorim emergjent ne  Kine  nga  Autoriteti Rregullator ne Kinë,  Azerbaixhan, Bolivi, Brazil, Republikën Dominikane, Ekuador, Hong Kong, Indonezi, Laos, Meksike, Paraguaj, Filipine, Tailande, Tunisi, Turqi, Ukraine dhe Uruguaj etj. Ndërkohë që, sipas të dhënave  nga Ministria e  Shendetesise Turke në bazë të provave klinike dhe të dhënat e mbledhura deri me 23 dhjetor 2020, efikasiteti i vaksines u gjet te ishte 91.25% dhe 71.25% -97.34% ne një interval besimi prej 95%.

Ola Mitre / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.