Efektet e vaksinës kundër Covid-19 – Alimehmeti: Duhet të aplikohet në masë për përmirësimin e situatës
Vaksina kundër kovid-19 pritet të jap efekte të dukshme në frenimin e infeksionit vetëm kur të aplikohet në masë. Mjeku epidemiolog, Ilir Alimehmeti në një intervistë për televizionin SCAN vlerëson nisjen e procesit të vaksinimit duke thënë se është i nevojshëm zgjerimi i përfituesve të saj, në mënyrë që situata të përmirësohet.
“Nuk duhet të bëhemi tejet optimistë, por ta themi të vërtetën të plotë. Shumë mirë që ka nisur vaksinimi dhe është një lajm pozitiv por është njësoj sikru të shrkehësh një plumb të vetëm kundër armikut, por kundër një ushtrie që është përhapur në popullatë si virusi duhet patjetër të hyjë në masë tek një përqindje shumë e lartë njerëzish që duhet të vaksinohen, për të arritur njëfarë efekti të dukshëm, përndryshe këto janë efekte mediatike, por në Shëndetin Publik nuk ndikojnë.”
Alimehmeti foli edhe për sigurinë e vaksinës kundër Covid-19.
“Sot për sot Pfizer si çdo vaksinë ka disa efekte anësore në krahasim me placebo. Duhet të kemi kujdes që fazat e treta klinike të gjitha studimeve janë bërë përgjithësisht në popullata më të reja dhe me më pak sëmundje. Pra, të dhënat e fazës së tretë klinike janë disi më optimiste se sa do të vihen re në fazën e katërt apo ato në territor. Dhe nuk ka asnjë çudi për situate që do raportohen te moshat e vjetra.”
Për të gjithë ata persona që e kanë kaluar tashmë këtë virus mjeku u shpreh se imuniteti natyror nuk dihet ende sa zgjat, ndaj edhe kjo kategori nuk mund të përjashtohet nga një ri infektim me virusin Covid -19.
Nertila Doko / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.