Efekti i sanksioneve ndaj Iranit – ENI: Do të shkaktojnë ndërprerje në tregun e naftës
Kompania më e madhe e naftës dhe gazit në Itali, ENI, deklaroi se rivendosja e sanksioneve të SHBA ndaj Iranit, që është prodhuesi i 3-të më i madh i OPEC, mund të sjellë një ndërprerje në tregun e naftës. “Do të ketë ndikim më të madh te çmimet e naftës, për shkak se Irani po eksporton 2.6 milionë fuçi në ditë, krahasuar me 1.5 milionë që eksportonte pasi u vendosën sanksionet për herë të parë”, tha kreu ekzekutiv i kompanisë italiane, Claudio Descalzi.
Kur u vendosën sanksione nga administrata e Barack Obama ndaj Teheranit në vitin 2012, eksportet totale të vendit të Lindjes së Mesme ranë në rreth 1.5 milionë fuçi në ditë. Pas heqjes së sanksioneve në vitin 2015, pjesë e marrëveshjes bërthamore të arritur me vendin, kjo shifër u rrit me më shumë se 1 milionë.
Sipas firmës italiane, mungesa e 1 milionë fuçive në ditë do të ndikojë çmimet e naftës. Megjithatë, disa analistë parashikojnë se ndikimi do të jetë minimal, krahasuar me sanksionet e Obama në vitin 2012. Sipas tyre, aksionet e Trump do të reduktojnë dërgesat e naftës nga Irani me 300,000 deri në 500,000 fuçi në ditë, shumë poshtë 1 milionëshit që u hoq nga tregu 6 vite më parë. Megjithatë, luhatjet në çmime pritet të sjellin pasiguri te investitorët.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.