Ekipi i OBSH, në Kinë – Ekspertë ndërkombëtarë po gjejnë përgjigje mbi COVID-19
Drejtori i përgjithshëm i Organizatës Botërore të Shëndetësisë, Tedros Ghebreyesus, tha se një ekip i ekspertëve ndodhet aktualisht në Kinë për të gjetur përgjigje mbi të panjohurat e kronavirusit.
Tedros i bëri thirrje vendeve në botë që të përfitojnë nga periudha e ofruar nga Kina për të përmbajtur përhapjen e sëmundjes.
“Një ekip ndërkombëtar i ekspertëve të Organizatës ndodhen në terren në Kinë, duke punuar me homologët kinezë për të gjetur një përgjigje për gjërat që nuk dimë , përfshirë transmetimin e virusit dhe ndikimin e masave që ka marrë Kina” është shprehur Ghebreyesus.
Sipas informacionit të publikuar nga Organziata Botërore e Shëndetësisë, grupi ndërkombëtar përfshin ekspertë të lartë nga Japonia, Korea e Jugut, Singapori, Rusia, Shtetet e Bashkuara dhe Gjermania.
Hulumtimet e tyre përfshijnë epidemiologjinë, virologjinë, menaxhimin klinik, kontrollin e infeksionit dhe shëndetin publik.
Tedros bëri thirrje për parandalimin e spekulimeve mbi sëmundjen dhe tha se çdo gjë duhet të bazohet në fakte Ka shumë keqinformim dhe teori konspirative dhe duhet të tregohet shumë kujdes. Nuk duhet të besohet asgjë deri sa të ketë prova shkencore.
Ai shtoi se përpjekja e Kinës për të kontrolluar epideminë në zanafillë, ka ofruar kohë për të gjithë botën dhe vendet duhet të përfitojnë nga kjo mundësi për të parandaluar përhapjen e mëtejshme.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.