Ekonomi në Korçë, takim me përfaqësues të Dhomës së Tregtisë. Bisedime për problematikat e biznesit
Ministrja e Zhvillimit Ekonomik, Milva Ekonomi ishte në një takim me përfaqësues të Dhomës së Tregtisë dhe Industrisë në Korçë.
Ekonomi gjatë këtij takimi dëgjoi problematikat që shfaqi biznesi. Nga ana e tyre, bizneset kërkuan forcimin e rolit të Dhomës së Tregtisë, ndërkohë pohuan më tej se dhoma duhet të ofrojë më shumë shërbime për ta.
Rrethi i Korçës ka rreth ka 11.600 biznese, 29 për qind e tyre ose 3300 biznese menaxhohen nga gratë, ndërkohë 120 prej tyre janë pjesë e Dhomës së Tregtisë.
Ministrja Milva Ekonomi gjatë takimeve në këtë qytet inspektoi sot projektin “Korça me Bileta”.
Projekti u financua nga MMZHETTS dhe ka krijuar 19 itinerare me biçikleta në Korçë dhe në zonat përreth. Projekti ka krijuar aplikacionin për gjetjen e itinerareve përmes telefonit.
Osman Dedja/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.