Ekonomia do të ringrihet pas 2020-ës – Denaj: Punët publike do të kompensojnë tkurrjen e investimeve private
Ekonomia shqiptare në gjysmën e dytë të vitit do vijojë të gjendet në vështirësi, për shkak të deficitit buxhetor në masën 8.4 për qind dhe kapërcimit të borxhit publik në 80 për qind, trend që pritet të ndryshojë në tre vitet e ardhshme. Ministrja e Financave Anila Denaj, prezantoi në foltoren e Parlamentit, ndryshimet e bëra së fundmi në buxhet, ku sipas saj amortizojnë goditjet që mori ekonomia nga COVID-19 dhe tërmeti i 26 Nëntorit, dhe krijojnë mundësi për investime shtesë.
Denaj bëri me dije zërat specifike se ku do të rialokohen fondet, referuar ndryshimeve të bëra në në buxhet përmes aktit normativ.
Ministrja Denaj bëri me dije edhe ndryshimet në ligjin për tatimin mbi të ardhurat, ku bizneset me xhiro deri në 10 milionë lekë do të përjashtohen nga detyrimet e tatimfitimit si dhe informoi mbi shtyrjen e projektit të fiskalizimit, për në Shtator të vitit 2021.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.