Ekonomia e Japonisë në T4 – Rishikohet në 1.2% rritje, kryesisht nga shpenzimet kapitale
Ekonomia e Japonisë u rrit më shumë se vlerësimet fillestare në tremujorin e katërt 2016, kryesisht prej shpenzimeve kapitale që patën rritjen më të shpejtë në 3 vite. Ekonomia e tretë më e madhe në botë u rrit me 1.2% në tremujorin e katërt me bazë vjetore, sipër të dhënave fillestare prej 1%.
Krahasuar me tremujorin e tretë, Produkti i Brendshëm Bruto u rrit me 0.3%, sipër vlerësimeve të mëparshme prej 0.2%. Një normë më e lartë e rritjes do të sjellë optimizëm të politikëbërësit, të cilët prisnin që rritja e investimeve nga bizneset të nxiste zgjerimin e ekonomisë.
Megjithatë, rritja nuk është e mjaftueshme për të gjeneruar një nivel të qëndrueshëm të çmimeve, në mënyrë që Banka e Japonisë të arrijë objektivin. Rreziqet prej rritjen e proteksionizmit mund të dekurajojnë kompanitë eksportuese japoneze për të rritur pagat, që shihet si faktor kryesor në nxitjen e konsumit dhe aktivitetit ekonomik brenda vendit.
Konsumi privat nuk regjistroi rritje në tremujorin e katërt, duke u përputhur me të dhënat fillestare. Komponenti i shpenzimeve kapitale nga ana tjetër u rrit me 2% për tremujorin, sipër vlerësimeve fillestare prej 0.9%.
Të dhënat zyrtare tregojnë se rritja e investimeve nga sektori i pasurive të paluajtshme, kompanitë e ndërtimit, firmat e procesimit të ushqimeve dhe prodhuesit e aparateve elektronike, kanë kontribuar për rritjen e shpenzimeve kapitale. Pas këtij komponenti, eksportet neto përbën nxitësin e dytë më të madh të ekonomisë në tremujorin e katërt.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.