Ekonomia e Japonisë në “vrull” – Periudha e dytë më e gjatë e rritjes që prej luftës
Qeveria e Japonisë mbajti perspektivën optimiste mbi ekonominë dhe bëri të ditur se vendi është drejt arritjes së periudhës së dytë më të gjatë të ekspansionit në histori. Ekonomia e tretë më e madhe në botë ndodhet në një rimëkëmbje të nxitur nga kërkesa e brendshme.
“Ekziston mundësia që ekonomia e Japonisë të arrijë 57 muaj radhazi të rritjes, ku për herë të fundit është regjistruar në fund të viteve 60”, shkruhej në raportin mujor.
Qeveri ofroi një perspektivë më optimiste për investimet publike krahasuar me muajin e kaluar. Sipas raportit, shpenzimet kapitale, eksportet, prodhimi dhe konsumi po përshpejtohen.
Ekonomia e Japonisë u rrit me normën më të shpejtë në më shumë se 2 vite gjatë tremujorit të dytë, me 4% me bazë vjetore, ndërkohë që shpenzimet konsumatore dhe të kompanive janë rritur ndjeshëm.
Më parë, rritja ekonomike është varur kryesisht nga eksportet. Banka e Japonisë po merr më në fund sinjale se tregu i fortë i punës po nis të përshpejtojë rritjen e pagave dhe shpenzimet konsumatore.
Sipas përkufizimit të Qeverisë, ekonomia japoneze ka hyrë në ciklin e rritjes që prej Dhjetorit 2012 dhe do të shënojë në muajin Gusht periudhën e dytë më të gjatë në kohë të rimëkëmbjes.
Klevis Llaha/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.