Ekonomia greke tregon shenja të rimëkëmbjes por bankat nuk ofrojnë kredi për investitorët
Kreditorët e Greqisë po kthehen në Athinë për të shqyrtuar nëse ulja e planifikuar e kryeministrit Kyriakos Mitsotakis do të ndikojë në rezultatet ekonomike të Greqisë.
“Iniciativat e qeverisë greke drejt uljes së taksave , sidomos në lidhje me bizneset, heqjen e kontrolleve të kapitalit në mënyrë të plotë dhe gatishmërinë për të vazhduar reformat u dërgojnë një shenjë partnerëve tanë dhe tregjeve, që vendi po ndërton një mjedis për të tërhequr investitorët”, u shpreh Konstantinos Kollias, president i Dhomës Ekonomike të Greqisë.
Por investimet kanë nevojë për financim bankar dhe nuk është e sigurt që sistemi bankar grek është në gjendje ta bëjë këtë.
“Ne duam që qeveria të krijojë një bankë investimesh, e cila do të jetë në gjendje të garantojë dhe mbulojë bankat. Dhomat e tregtisë duhet të lejohen të marrin përsipër disa nga garancitë për bizneset e vogla për të mbështetur bankat dhe për të lejuar likuiditetin në treg.” Është shprehur presidenti i Dhomës së Tregtarëve në Athinë, Ioannis Chatzitheodosiu.
Pastrimi i stokut të borxheve prej 1.4 miliardë eurosh është një tjetër sfidë për ekonominë greke. Përparimi i Greqisë në këtë sektor ka qenë “zhgënjyes”, veçanërisht pasi borxhet e vjetra ndaj sektorit privat nuk po pastrohen mjaft shpejt, ndërsa ato të reja po krijohen.
Qeveria Greke dëshiron të përfundojë vlerësimin para fundit të nëntorit dhe më pas të shkojë në mbledhjen e Eurogrupit. ( Euronews )
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.