Ekonomia kineze, në formë – Të dhënat tregojnë për një rritje të qëndrueshme

Të dhënat ekonomike për Kinën tregojnë se pritet të vazhdojë e qëndrueshme pavarësisht presioneve nga jashtë.

Të dhënat zyrtare muajin e kaluar treguan se ekonomia kineze u rrit me 6.4% në tremujorin e parë të vitit 2019, duke thyer projeksionet.  Tregtia regjistroi një rritje me 3.7% ndërsa të ardhurat e dispouneshme për frymë, u rritën me 6.8% gjatë tremujorit. Fondi Monetar Ndërkombëtar rriti projeksionet për ekonominë kineze në vitin 2019 me 0.1% në 6.3% në total, gjatë raportit të fundit, duke e kthyer Kinën në vendin e vetëm që pati përmirësim të perspektivës.

Reformat në anën e ofertës, ristrukturimi ekonomik dhe klima e përmirësuar e biznesit pritet të vazhdojnë të nxisin rritjen e ekonomisë kineze.  Ulja gjigante e taksave dhe lehtësimi i rregullave për likuiditetin e bankave, pritet të shtojnë konsumin privat dhe rritjen ekonomike.  Një rritje e deficitit fiskal dhe investimeve në infrastrukturë, pritet të shërbejnë gjithashtu si nxitës.

Klevis Llaha/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.