Ekonomia gjermane tkurret në nivele rekord që nga viti 1970 – Rikuperimi pritet të jetë i dhimbshëm

Ekonomia më e madhe e Evropës u rrënua në nivelin më rekord që nga viti 1970, me PBB-në në rënie prej 10% në tremujorin e dytë, tha autoriteti i statistikave të vendit.

Ekonomistët kishin parashikuar një rënie prej 9% për llogari të dëmitekonomik të shkaktuar nga pandemia, duke shtuar papunësinë dhe përgjigjet e stimujve të qeverisë.

Edhe pse ekonomia gjermane pritet të rimëkëmbet gradualisht, të dhënat e fundit të PBB tregojnë se ritmi mund të jetë i ngadaltë dhe i dhimbshëm.

Për muajt prill-qershor, rënia masive e produktit të brendshëm bruto të Gjermanisë u drejtua nga rënia e eksporteve, shpenzimeve të konsumatorit dhe investimeve, tha zyra federale.

Në bazë vjetore, ekonomia gjermane kontraktoi 11.7% pavarësisht rihapjes së bizneseve që ndoqën kufizime të shkaktuara nga koronavirusi në tremujorin e parë.

Herën e fundit që vendi u përball me një rënie të krahasueshme ishte në vitin 2009, kur u kontraktua me 7.9% në bazë vjetore.

Bashkimi Evropian ka prezantuar një fond rimëkëmbjeje prej 860 miliardë dollarësh që synon rindërtimin e bllokut ekonomik.

D.B – SCAN
Burimi: Business Insider

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.