Ekonomia në krizë, Interpelancë në Kuvend – Denaj: Biznesi rezistoi, u shtuan kompanitë e të punësuarit. Roshi: S’paguajnë dot taksat
Ministrja e Financave Anila Denaj dhe Deputeti I Opozitës parlamentare Artur Roshi kanë replikuar gjatë të hënën në interpelancën e kërkuar nga ky I fundit mbi vështirësitë me të cilat përballet biznesi për shkak të Pandemisë. Roshi kërkoi informacion mbi situatën financiare të bizneseve, pamundësitë e tyre për të shlyer taksat, numrin e kompanive të mbyllura gjatë vitit 2020, si dhe numrin e të papunëve si rezultat i vështirësive me të cilat po përballet ekonomia.
Denaj tha se pavarësisht vështirësive të shumta, numri total i kompanive rezulton me bilanc pozitiv krahasuar me një vit më parë, ashtu si dhe situate e punësimit, ndërkohë që atyre u janë krijuar një seri lehtësish fiskale, që nga shtyrja e disa taksave, deri te mundësia për rivlerësimin e tyre bazuar në situatën aktuale.
Ndërkohë që një situatë krejt tjetër përshkroi Deputeti Roshi. Sipas tij biznesi gjendet në vështirësi ekstreme për të paguar detyrimet për shkak të taksave shumë të larta, ndërkohë që rritja e pagës minimale thjesht ka shtuar barrën e sigurimeve shoqërore për të punësuarit.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.