Ekonomia “rrëzon” Metën për taksën doganore – Ligji i ri: Mjetet ujore do paguajnë 2%, stimul për turizmin detar
Komisioni parlamentar i Ekonomisë dhe Financave rrëzoi dekretin e presidentit që kthente për rishqyrtim ligjin që parashikon uljen e tarifës doganore për mjetet ujore për kënaqësi dhe sporte, të fryra me ajër ose gaz në 2%, nga 15% që është aktualisht. Lehtësitë fiskale në fushën e turizmit detar u propozuan nga deputeti Ilir Beqaj, duke synuar favorizimin dhe stimulimin e një kategorie specifike të mjeteve lundurese turistike, të cilat për shkak të natyrës dhe kostos janë më të pëlqyeshme dhe më të aksesueshme për individët. Gjatë diskutimit në komision të dekretit, përfaqësuesit e presidentit e konsideruan ligjin si klientelist, teksa kërkuan që fillimisht të ngrihet infrastruktura e e nevojshme për këto mjete ujore.
Anxheli, bëri me dije dhe efektet financiare që pritet të ketë në buxhet ulja e tarifës doganore për këto mjete.
Në total, efekti negativ në të ardhura nga ky ndryshim, parashikohet në 2.4 mln lekë, por sipas relacionit që shoqëroi projektligjin, gjatë dorëzimit në Kuvend, në rast të shtimit të importeve, do të influencojë në rritjen e të ardhurave nga TVSH, duke bërë balancimin e kësaj diference.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.