Ekonomistët e rinj – Korbi: 850 diplomohen këtë vit, të gatshëm për tregun e punës
Rreth 850 ekonomistë të rinj pritet ti shtohen tregut të punës gjatë këtij viti. Në një intervistë për televizionin SCAN, zv.dekani i Fakultetit Ekonomik Alban Korbi Thekson se viti 2018 shënon një rritje të lehtë të të diplomuarve në nivelin bachelor krahasuar me një vit më parë, kryesisht në degët Financë me 350 studentë dhe Biznes me 300 studentë. Por zv.dekani shton se për shkak të rritjes së kuotave gjatë dy viteve të fundit pritet që numri i të diplomuarve të rritet ndjeshëm krahasuar me atë aktual.
Por ajo që vihet re është edhe rritja e numrit të studentëve në nivelin master ku për këtë vit diplomohen 400 në master profesional dhe 400 të tjerë në master shkencor. Aktualisht numri i studentëve që vazhdojnë studimet në nivelin bachelor në fakultetin ekonomik është 5 mijë, ndërsa master 1800 studentë .
Nertila Doko/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.